შეხვედრა ჩეხეთის რესპუბლიკის პარლამენტის სენატის პრეზიდენტთან
2023 წლის 9 ივნისს, საქართველოს ელჩმა ჩეხეთის რესპუბლიკაში, თეა მაისურაძემ გაცნობითი შეხვედრა გამართა ჩეხეთის რესპუბლიკის პარლამენტის სენატის პრეზიდენტთან, მილოშ ვისტრჩილთან.
შეხვედრაზე საუბარი შეეხო ორ ქვეყანას შორის არსებული თანამშრომლობის საკითხებს, საქართველოს საგარეო პოლიტიკის პრიორიტეტებს, მიმდინარე წელს დაგეგმილ ნატო-ს სამიტს, რუსეთის ომს უკრაინაში, რუსეთის მიერ საქართველოს ტერიტორიების მიმდინარე ოკუპაციას და ევროპულ უსაფრთხოებას.
სენატის პრეზიდენტს ელჩმა მიაწოდა დეტალური ინფორმაცია ევროკავშირის 12 პრიორიტეტის შესრულების პროცესზე. შეხვედრის ფარგლებში ხაზი გაესვა საქართველოსთვის კანდიდატი ქვეყნის სტატუსის მინიჭების მნიშვნელობას.
