პიანისტის ბარბარე თათარაძის კონცერტი პრაღის მუსიკალური ფესტივალზე

საქართველოს პარლამენტის კულტურის კომიტეტის თავმჯდომარის, ელისო ბოლქვაძის ხელშეწყობით და პრაღის მუსიკალური ფესტივალის “Svátky hudby v Praze“ მოწვევით, კონცერტების ციკლის „ვაცლავ ჰუდეჩეკი და მისი სტუმრები“ ფარგლებში, 19 ნოემბერს, პრაღის კონსერვატორიის დარბაზში გაიმართა ახალგაზრდა ქართველი პიანისტის, ბარბარე თათარაძის და მსოფლიოში ცნობილი ჩეხი მევიოლინეს, ვაცლავ ჰუდეჩეკის კონცერტი პრაღის კონსერვატორიის სიმებიან ორკესტრთან ერთად.

ბარბარე თათარაძე მრავალი საერთაშორისო კონკურსის გამარჯვებულია, მათ შორის ფრანც ლისტის ახალგაზრდა პიანისტების საერთაშორისო კონკურსის ლაურეატი, ასევე ნიდერლანდების საფორტეპიანო საერთაშორისო კონკურსის პირველი პრემიის, ფრედერიკ შოპენის თბილისის კონკურსის სპეციალური ჟიურის პრიზის და ბაზელის „რეინის ვარსკვლავების“ კონკურსის პირველი პრიზის მფლობელია.