შეხვედრა ჩეხეთის რესპუბლიკის საგარეო საქმეთა მინისტრთან

16 იანვარს გაიმართა ჩეხეთის რესპუბლიკის საგარეო საქმეთა მინისტრის, იან ლიპავსკის შეხვედრა ჩეხეთში აკრედიტებული დიპლომატიური მისიების და საერთაშორისო ორგანიზაციების ხელმძღვანელებთან, რომელშიც მონაწილეობა მიიღო საქართველოს საქმეთა დროებითმა რწმუნებულმა, გვანცა ბარქაიამ.

ღონისძიების ფარგლებში, მინისტრმა დიპლომატიური კორპუსის წარმომადგენლებს გადაუხადა მადლობა გასული წლის განმავლობაში თანამშრომლობისათვის და ყურადღება დაუთმო ჩეხეთის საგარეო პოლიტიკის დღის წესრიგის ძირითად მიმართულებებს 2025 წელს.