საქართველოს საელჩო ჩეხეთის რესპუბლიკაში

2023 წლის 17-19 მარტს, ქ. პრაღაში მიმდინარე საერთაშორისო გამოფენის - „HOLIDAY WORLD & REGION WORLD 2023“ ფარგლებში წარმოდგენილია ქართული კუთხე, სადაც ვიზიტორებს მიეწოდებათ ინფორმაცია საქართველოში ახალი ტურისტული მიმართულებების შესახებ.

2023 წლის 17 მარტს, საქართველოს ახლადდანიშნულმა ელჩმა ჩეხეთის რესპუბლიკაში, თეა მაისურაძემ რწმუნებათა სიგელების ასლები გადასცა ჩეხეთის რესპუბლიკის საგარეო საქმეთა სამინისტროს დიპლომატიური პროტოკოლის დეპარტამენტის დირექტორს, მარკეტა შერბოხოვას.

2023 წლის 24 იანვარს, ელჩმა მარიამ რაქვიაშვილმა გამოსამშვიდობებელი შეხვედრა გამართა ჩეხეთის რესპუბლიკის საგარეო საქმეთა მინისტრთან იან ლიპავსკისთან.

24 იანვარს, საქართველოს საელჩოში გაიმართა ელჩის, მარიამ რაქვიაშვილის გამოსამშვიდობებელი მიღება, ჩეხეთში აკრედიტებული დიპლომატიური მისიების ხელმძღვანელებისთვის.